a) Kostuen Kudeaketaren ABC Eredua

Kostuen plangintza eta kudeaketan laguntzen duen tresna. Kontsumitzen diren baliabideak eta horiek erabiltzen dituzten prozesuak aztertzen dira, eta lagungarria da baliabideak nola erabiltzen diren eta bezeroarengan sortzen duten balioa ulertzeko. Horretarako, beharrezkoa da negozioa eta bere ezaugarririk garrantzitsuenak ezagutzea. Horrela, kostuaren helburuak zeintzuk izango diren zehaztu ahal dugu; hau da, kostuen egituraren oinarriak zeintzuk izango diren (produktuak edo zerbitzuak, negozioaren ildoak, jarduera arloak...)

b) Prozesuak eta Adierazleak definitzea, Prozesuen Mapa diseinatzea, Prozesuak Lehenestea eta Prozedurak Diseinatzea.

Enpresa baten prozesuak definitzeko, beharrezkoa da:

• Enpresaren berezko prozesuen diagrama egitea.
• Enpresaren prozesu funtsezkoenak zeintzuk diren identifikatzea; hau da, bezeroen asebetetzean argi eta garbi eragiten duten, eta ondorioz, negozioaren arrakasta dakarten horiek.
• Funtsezko prozesuen fluxu-diagramak egitea eta ohitura hori beste prozesuetara zabaltzea, horietan inplikatuta dauden langile guztiak partaide eginez.
• Adierazleak finkatzea prozesuen errendimendua eta eboluzioa frogatzeko. Azterketa bat egiten da prozesu kritiko bakoitzaren adierazlerik garrantzitsuenak aukeratzeko eta errutina bat ezartzen da eboluzioa kontrolatzeko.
• Prozesu horien lan-prozedurak ezartzea, edo behintzat funtsezko prozesuarena.
• Langileak prestatzea prozedura horiek aplikatzeko.
• Ezartzea.
• Emaitzak egiaztatzea, aurretiaz ezarritako adierazleak erabiliz.
• Adierazleak ez badatoz bat aurreikusitakoarekin, arazoak aztertu behar dira.

c) Prozesu Espezifikoak Garatu eta Ezartzea.

Prozesu zehatz bat deskribatzea, horretan parte hartzen duten elementuak kontuan hartuz, kudeatu eta hobetu ahal izateko:

Prozesura sartzea (input), prozesutik irtetea eta irteera-fluxuak (output), prozesuan parte hartzen dutenak, prozesuaren jarduera Sekuentziak, eraginkortasun eta efizientziako Baliabide eta Adierazleak, gero prozesua grafikoki aurkezteko prozesuaren flujograma bidez eta prozeduren idazketaren bidez, edo jarraibideak edo prozesuari lotutako bestelako dokumentuak.

d) Kalitate Kontroleko Orriak.

Prozesuak etengabe kontrolatzen egotea, beharrezko kalitate erregistroen bidez. Desbideraketak aztertu, arazoak identifikatu eta horiek konpontzeko aukera emango digu, betiere, arazoak taldean konpontzeko metodoa erabiliz.

e) Produkzioaren plangintza: Lan-aginduak

Produkzioa kudeatzeko aukera ematen du, lan bakoitzaren beharrezko informazioa bilduz. Horretarako, Lan Aginduak ezarriko dira: eskaera bakoitzaren identifikazio datuak, produkzio prozesuan gertatutakoaren informazioa eta Adostasun Ezaren kostu ekonomikoen analisia jasotzen dituztenak. Oso baliagarria da enpresarentzat lan-agindu guztien datu base bat sortzea; izan ere, horren bidez desbideraketak, kalitate ezaren kostuaren joerak eta abar aztertu ahal dira. Hori oso baliagarria prozesuak kudeatzeko.

f) Enpresako Kultura eta Zuzendaritza Estiloa

Gerentziaren Zuzendaritza Estiloa aztertzen da, galdetegi baten bidez. Horrek ohiturak eta tradizionalak egiteko modua zehazten du, eta hortik abiatuta, hobetu beharreko arloak zehaztu eta lehentasunak markatzen dira. Zuzendaritza estiloaren aldaketa prozesuan, gerentziaren jarrera eta gaitasun pertsonalez gain, enpresaren kulturak asko eragiten du; izan ere, enpresak dituen kultura eta balioak gerentearen jarreraren eta zuzentzeko moduaren ondorioa dira, neurri batean.

Beraz, enpresaren kulturaren profila ere ebaluatzen da, uste baitugu hori dela enpresako pertsonen jarrera, harremanak eta pentsamoldea baldintzatzen dituen balio-multzoa. Hori eginda, zehaztuko da zein jokabide mota mantendu behar den, eta zein aldatu.

g) Negozioa, Produktuen Katalogoa eta Bezeroen Katalogoa

Enpresaren jarduera azaldu eta zehaztea da helburua; nola burutzen duen, zein produktu eskaintzen dituen, zein bezero dituen, eta abar.

h) Bezeroen asetze-mailaren ebaluazioa eta Leialtze Plana

Gure bezeroek gugandik espero dutena jakin nahi dugu, eta horretarako galdetegiak erabiliko ditugu:

• Nor den gure bezeroa
• Zeintzuk diren bere beharrizanak
• Gure produktuen zein ezaugarri baloratzen duten
• Lehiakideekiko dute jarrera

Modu horretara, bezeroengana hurbilduko gara, Leialtze Planaren bidez. Plan horri ekingo diogu galdetegietan lortutako emaitzak ondo aztertu eta gero.

i) Langileen Inbentarioa eta Lanen Banaketa. Delegatze Plana

Langileen inbentarioak enpresako pertsona bakoitzaren egoera definitzen laguntzen digu. Langileak euren trebakuntzaren sailkatuko ditugu. Horrela, lanen banaketa egin ahal izango da: dedikazioa (pertsonen saturazioa) aztertzea, Delegatze Plana ezartzeko helburuarekin. Plan horri esker delegatu ahal diren lanak modu ordenatuan ezarriko ditugu, ahalik eta ondoen.

j) Beharrizanen Diagnostikoak eta Prestakuntza eta Gaitze Plana

Prestakuntza Plana prestakuntza jardueren multzo koherente eta ordenatua da. Epe tarte zehatz baterako egiten da eta asmoa zera da: aurrez markatutako helburuak lortzeko beharrezko eskumenak eman eta hobetzea.

k) Pertsonen Asetze-maila ebaluatzea

Enpresako langileen asetze eta inplikazio maila ezagutu nahi dugu; euren lanarekiko, lanpostuan dute segurtasun mailarekiko eta euren produktu eta prozesuek sortzen duten ingurumen-eraginarekiko. Horretarako, zeharkako adierazleak ezarri ahal dira (absentismoa, prestakuntza orduak, laneko ezbehar-tasa...) eta adierazle zuzenak ere: Langileen Asebetetze-inkesta bat egitea, langileek pentsatzen dutena jakiteko eta antzemandako arazoak konpontzeko.

l) Ordainsari, Motibazio eta Errekonozimendu Sistema

Uneko ordainketa sistema ebaluatu eta etorkizunera begirako lan ildoei buruzko hausnarketa egiten da. Horrela diagnostikatzen da zein faktorerekin ez dagoen jendea pozik eta zeintzuk diren motibagarriak. Ekintza plan bat ezartzen da, bai antolakuntza mailan, bai zuzendaritza estiloari dagokionez, asetzen ez dute faktoreak enpresatik kendu eta motibazioa sortzen dutenak ezartzeko.

m) Eskumenen eta Emoziozko Adimenaren Kudeaketa

Eskumenak abilezia, ezagutza, oinarrizko gaitasun pertsonal eta trebetasun multzoa dira, funtzio konkretu bat betetzeko garrantzitsuak. Beraz, oinarrizko hiru ezaugarri daude:

• Pertsonei lotuta egotea;
• Erakunde edo/eta jarduera bakoitzaren berezkoak izatea; eta
• neurgarri eta behagarriak izatea.

Eskumenen araberako kudeaketak kontzeptu horiek kudeatzen ditu, laneko bikaintasuna sustatu dezagun.

n) Talde lana, Koordinazio bilerak

Jarduerak eta enpresako arazoak gainbegiratzeko aukera ematen duten bilerak egitea; inplikatutako pertsonen jarduerak ordenatu eta koordinatzeko.

o) Hobekuntzan parte hartzeko sistematizazioa

Hobekuntzarako Aukeren tratamendurako prozedura bat ezartzea. Erakundearen partaidetza eskatuko da: ekarpenak jasoko dira, horien tratamendua, jarraipena eta ebaluazioa egiteko.

p) 5īS Proiektuak

Enpresan burutzen diren jarduera eta lanetarako, pertsonek espazio eta inguru egokiak eduki behar dituzte. Zuzendaritzari zein langileei dagokie euren lanerako lekuak ordenatu eta garbitzea, lanerako giro egokia lortzeko.

q) Hobekuntza taldeak

Hobetzeko Taldeak ezartzea, enpresak dituen arazo nagusiak aztertzeko. Helburua horiei konponbidea ematea da, etengabe hobetuz. Horretarako, hausnarketa, analisia eta konponbiderako proposamenak behar dira.

r) Finantza Baliabideen kudeaketa: Emaitza-kontua, Balantzea eta Diruzaintza.

Enpresaren galera eta irabazien kontua egitea, gastuak eta salmentak zeintzuk diren jakiteko eta beharrezkoa den kasuetan esku hartzeko. Diruzaintzako plangintza egin, finantza-likidezia frogatzeko tresna bezala. Enpresaren balantzea egin eta aztertzea, enpresaren beraren ondare eta finantzen egoera kudeatzeko. Adierazle eta ratio ekonomikoak ezartzea, lortutako informazioaren araberako kontrola eramateko.

s) Baliabide Materialen kudeaketa.

Hornitzaileen Inbentarioa eta Ebaluazioa Hornitzaileekin dugun egoera kudeatzea, euren ezaugarriak ebaluatuz, horien arteko harremanak optimizatzeko (Hornitzaileen ABC).

t) Aginte-mahai integrala

Aginte-mahai integralaren funtzio nagusia erakundearen egitekoa eta estrategia itzultzea da. Helburuen betetzearen berri emango da, jendeak Plan Estrategikoa kontuan izateko eta erakundearen helburu estrategikoak lortzen laguntzeko. " Helburuak, adierazleak eta ekimen estrategikoak multzokatzen ditu, lau ikuspegiren arabera: finantzak, bezeroak, prozesuak eta berrikuntza eta ikaskuntza. Mapa estrategikoak. " Ikuspegi horietako bakoitzerako, lortu nahi dena eta nola neurtuko den definitzen da. " Jarraian, helburuak definitzen dira; erakundearen aldaketak zehazteko giltzak emango dizkigutenak. " Azkenik, ekimen estrategikoek aldaketak ekarriko dituzte.

u) EFQM autoebaluazioa

Jarduteko moduen eta erakundeak lortutako emaitzen azterketa global eta sistematikoa da. Etorkizunerako hobekuntza arloak identifikatzen laguntzen digu. Arlo hauek aztertu ziren: " Lidergoa " Estrategia eta plangintza " Pertsonak " Aliantzak eta baliabideak " Prozesuak " Emaitzak bezeroengan " Emaitzak pertsonengan " Emaitzak gizartean " Emaitza garrantzitsuenak Lortutako Hobekuntza Plana periodikoki gainbegiratu beharko da, nola burutzen ari den ikusteko. Horretarako, Urteko Kudeaketa Planean gehitzea da onena, eta erakundeak horretarako deitutako bileretan jarraipena egitea, periodikoki.